Formaðurin í liberaldemokratiska flokkinum í Bretlandi, Nick Clegg, segði á tíðindafundi fyrrapartin, at eftir hansara tykki eigur tann konservativi flokkurin at royna at skipa stjórn.
-Eg havi sagt fyrr, at tann flokkurin, sum fær flestar atkvøður og flestar tinglimir, er tann rætti til at skipa stjórn, og hesa støðu havi eg framvegis, segði Nick Clegg.
Tann konservativi flokkurin fær í minsta lagi 290 tinglimir, arbeiðaraflokkurin fær minst 247, og Liberaldemokratarnir fáa minst 51.
Gordon Brown, forsætisráðharri og Labour-formaður, segði í morgun, at tað týdningarmesta er, at bretar fáa eina sterka stjórn.
