Havnar Jazzfelag og Norðurlandahúsið hava í ár saman fyrireikað 6 konsertferðir í Føroyum við ?utlendskum solistum í samanspæli við føroyskar bólkar. Samstarv er við feløg kring landið, so sum Grót í Gøtu og Høganes í Runavík og bygdahús ymsastaðni.
Í mars verða 4 konsertir við vitjan úr Eysturíki. Tað er ein
trombonspælari og ein saxofonspælari, sum vitja. Samstarvið er komið í lag í sambandi við luttøku hjá Tutl á MIDEM í januar. Talan er um eitt slag av samarbeiði, har føroyskar jazzbólkar eisini kunnu fáa samband við
konsertstøð í Eysturríki í framtíðini.
Móttøkubólkurin hesaferð er Eivør Pálsdóttir Kvartett, sum hevur ment seg serstakliga væl í seinastuni - bólkurin spælir alment fleiri ferðir um vikuna:
Eivør Pállsdóttir, sang, Búi Dam, gittar,
Mikael Blak, kontrabass, Brandur Jacobsen, trummur.
Vitjandi: Paul Zauner, trombon og John Purcell, saxofon
SKRÁ:
Hóskv. 23/3 kl 21:00 Cleopatra (Havn)
Fríggjakv. 24/3 kl 21:00 Nólsoy
Leygarkv. 25/3 kl 21:00 Grót (Losjan í Gøtu)
Sunnudag 26/3 kl 16:00 í Norðurlandahúsinum
Seinni í ár koma solistar úr Sámalandi, Finnlandi, Danmark og Svøríki at vitja í Føroyum.
