Løgreglan fekk fráboðan um herverkið sunnumorgunin, tá fólk varnaðust, at Kongaminnið ikki sá út sum vanligt. Viðkomandi hevur kanska hildið, at Kongaminninum tørvar eina fríðkan, so tað hóskar til tær nýggju tíðirnar. Kongaminnið varð reist í 1874 til minnis um Christian Rex IX.
Tann, sum hevur málað Kongaminnið, hevur málað tað á øllum fýra síðunum, men tað nógva regnið ta náttina hevur skolað ein part av tí burtur. Herverksmaðurin hevur málað orðið LOYSING á tvær síður, og á hinum síðunum hevur hann eisini verið við penslinum. Viðkomandi mátti vita, at mann ikki málar, tá hann sigur frá regni. Kanska hann vísir á hetta verkið, tá hann søkir arbeiði sum málari.
