Hósmorgunin 23. november klokkan 9 bjóðar Sunda kommuna vinnuni í økinum til morgundrekka á kommunuskrivstovuni á Oyrarbakka.
Endmálið við fundinum er at styrkja samskiftið við lokala vinnulívið.
- Vit vilja hoyra eitt sindur um, hvørjar avbjóðingar, ætlanir og tankar tit ganga við, og samstundis kunna um, hvat kommunan arbeiðir við á vinnu-og umhvørvisøkinum.
Soleiðis siga tey í Sunda kommunu.
Víst verður á, hvør skráin til fundin við vinnuna er:
* IRF – Skiljing og økonomi av skiljing
* Hagstovan - Vinnulívið í Sunda kommunu í tølum
Í Sunda kommunu vísa tey á, at morgunfundurin millum kommununa og vinnuna er eitt afturvendandi tiltak, so tað framhaldandi verður virkað fyri menning og framburði.
- Vit vóna, at vinnan hevur hug at luttaka til eitt óformelt og hugnaligt vinnuprát, siga tey í Sunda kommunu.
Boðast kann frá luttøku á teldupostinum susanna@sunda.fo í seinasta lagi mánadagin 20. november klokkan 12:00.
- Fyri at fáa pláss fyri so nógvum vinnufeløgum sum gjørligt, hava vit avmarkað luttøkuna til í mesta lagi at verða tvey fólk frá hvørjari fyritøku, verður lagt aftrat.
