OLJULEITING
Løgtingslóg um annað útbjóðingarumfar varð herfyri samtykt av løgtinginum.
Ætlanin við 2. útbjóðingarumfari er at skapa fortreytir fyri framhaldandi leitivirksemi á landgrunninum. Endamálið er at kortleggja kolvetnistilfeingið og harvið lýsa møguleikarnar fyri vinnuligari kolvetnisframleiðslu í Føroyum.
Annað útbjóðingarumfar til leiting eftir kolvetnum á føroyska landgrunninum letur upp 17. august 2004. Umsóknarfreistin er sett til 17. november 2004. Landsstýrismaðurin miðar eftir at veita loyvini í januar 2005.
Løgtingslógin um annað útbjóðingarumfar við viðmerkingum, standardloyvi og korti yvir útboðsøkið eru tøk á heimasíðuni hjá Oljufyrisitingini: www.ofs.fo, sigur Oljufyrisitingin.
