Ein dystur er blivin spældur í FTZ-deildini hjá monnum í dag.
Liðini, ið hittust, vóru KÍF og VÍF, sum undan dystinum vóru ájøvn í stigum. Bæði liðini høvdu 13 stig undan dystinum, og kvøldsins dystur varð spældur í Kollafirði.
Og tað vóru heimamenninir úr Kollafirði, ið drógu longra stráðið. Dysturin endaði 31-28 eftir hálvleiksstøðuna 15-14.
Úrslitið merkir, at KÍF er einsamalt á seinna finaluplássinum við 15 stigum. Á triða plássi eru vestmenningar, sum hava 13 stig.
Aðrastaðni á síðuni ber til at hoyra ljóðsamrøðurnar, ið Tróndur Arge hevði við ávíkavist Heina Hanusarson hjá VÍF og Andrias Nielsen hjá KÍF.
Málskjúttarnir í dystinum kunnu síggjast niðanfyri.
KÍF: Hans Eli Sigurbjørnsson 10, Andrias Nielsen 6, Teitur Joensen 5, Rúni Joensen 4, Fríði Weyhe 3 og Jákup Trygvason 3.
VÍF: Filip Jojic 10, Julian Olsen 7, Áki Egilsnes 6, Hanus Christophersen 3 og Nuunu Lars Olsen 2.
