Framløga av nýggju fløguni Klassiskar tónleikaperlur 2 við Monika Stauss Joensen á violin og Birgitte Schnakenburg á klaver, verður í handlinum hjá Tutl í dag klokan 16:30.
Fløgan Klassiskar tónleikaperlur 2, er ein nýggj røð av kendum og minni kendum løgum úr ymiskum londum og í ymiskum búna.
Monika Stauss Joensen og Birgitte Schnakenburg koma ávikavist úr Sveits og Danmark og búgva báðar í Føroyum. Tær byrjaðu at framføra saman í 2008. Síðani tá hava tær havt nógvar konsertir ymsastaðni í Føroyum. Í 2009 góvu tær út fløguna Klassiskar tónleikaperlur.
TMTA (Tucson Music Teacher Association) hevur bjóðað teimum at spæla í Tucson, Arizona í USA í januar 2013.
Umframt í Tutl so verður útgávukonsert somuleiðis á Bátasavninum í Leirvík sunnudagin millum klokkan 15 og 18.
