Nýggi barnagarðurin í Vági kostar 9,8 milliónir krónur.
Tað vísir ein endalig uppgerð, sum nú er gjørd yvir byggingina, sigur Vágs Býráð í morgun.
Men barnagarðurin er allur goldin, uttan at neyðugt var at taka lán til endamálið
Dagstovnurin Eikilund er bygdur til 90 børn, 66 barnagarðsbørn og 24 vøggustovubørn.
- Nú gjørt er upp, er greitt, at nýggi dagstovnurin tilsamans kostaði góðar 9,8 milliónir krónur at byggja, tá er grundstykkið fyri góðar 900.000 krónur, talt við, umframt arbeiðið at gera stykkið uttanum, liðugt, eisini spælipláss og parkeringøkið.
Vágs Kommunan samtykti ikki at taka lán til at byggingina og nú dagstovnurin er liðugur, og byggikostnaðurin er uppgjørdur, kann eisini staðfestast, at dagstovnurin er goldin.
Seinasti parturin, einar 3,4 milliónir krónur, eru goldnar í ár, sigur Vágs Kommuna.
