Klaksvíkar býráð boðar á heimasíðu sínari frá, at komunuskatturin verður lækkaður á nýggjárinum. Lækkingin verður 1,25 prosentstig.
- Seinastu árini hava vit kunna staðfest alsamt vaksandi skattainntøkur, og tí hava røddir í býráðnum verið frammi um at lækka kommunuskattaprosentið, verður sagt í tíðindaskrivi frá býráðssamgonguni.
- Greið tekin hava verið um hækkandi inntøkur, men umráðandi er, at hesar verða staðfestar, áðrenn avgerðir um munandi skattalækkingar verða tiknar. Nú vit hava kunna staðfest øktu inntøkurnar, er tíðin búgvin til eina munandi skattalækking
Umframt hækkandi skattainntøkur vísir meirilutin á, at raksturin av kommununi verður bíligari, tá nýggja sjóvarhitaskipanin verður tikin í nýtslu.
Í krónum svarar skattalættin til 7,5 mió kr.
