Tá tosað verður um Krúnborg, er helst nærliggjandi hjá teimum flestu at hugsa, at somu viðurskifti eru galdandi hjá Christian í Grótinum.
Men í Klaksvík tykjast menn hava bestan hug at yppa øksl, tá spurningurin verður settur.
- Vit hava hoyrt hasara søgurnar um Krúnborg, men okkara fatan er púrasta greitt, at talan helst er um leysasøgur uttan hald í veruleikanum, sigur Eyðun Rasmussen at skrivstovuni hjá Christian í Grótinum.
Hava tit sjálvir merkt nakað til útlendskan áhuga fyri tykkara reiðaríði.
- Als ikki. Vit hava eina fyritøku, sum vit royna at reka sum best, og tað er sum so tað, ljóðar staðfestingin av skrivstovuni.
