Tað er ikki óvanligt, at fleiri framsýnarar finna saman til stórar sølustevnur sum Fish Fair. Og millum tey, sum hava funnið saman til hesa strørstu føroysku framsýningina eru seks virki í Norðoyggjum, sum hvør í sínum lagi fáast við ymiskt, sum fiskvinnan kann hava gleði av.
Tað er menningarstjórin hjá Klaksvíkar kommunu, sum hevur samskipað felags átakið hjá teimum seks virkjunum.
- Vit hava funnið ymisk virki, sum umboða nakað av tí fjølbroytni, sum vit kunnu bjóða vinnuni í Klaksvík, sigur Rani Nolsøe, menningarstjóri.
Tað eru Com-Data, Norðfra, Looknorth, KBI, Norðlýsið og Klaksvíkar kommuna, sum í felag fara at húsast á 100 fermetrum á Fish Fair framsýningini.
Ymisk virki
Tær seks fyritøkurnar fáast hvør í sínum lagi við ymiskt, sum vinnan hevur brúk fyri.
Looknorth er eitt rímiliga nýtt virki í Klaksvík, sum fæst við at framleiða plastvørur og eskjur til ali- og fiskivinnuna, og í hesum døgum arbeiðir fyritøkan eisini við at menna nýggjar vørur.
Norðfra er eitt fiskavirki, sum framleiðir ymsar fiskavørur til bæði føroyingar og til útflutnings.
Com-Data er kt-fyritøka, sum eisini letur ymsar loysnir til fiskivinnuna - millum annað telduskiparnir, net og útgerð til sporføri. Fyritøkan hevur sjálv ment nógvar av teimum skipanum, sum hon selir.
Norðlýsið er lokalblaðið hjá norðoyingum, sum skrivar tíðindi til blað- og internetútgávu. Blaðið fæst eisini við at skriva um skipini hjá norðoyingum og annað, og blaðið hevur tí eisini áhuga í eini fiskarí-messu sum Fish Fair.
KBI er veitari av vørum til skip - alt frá olju og legum til ymiskar eykalutir og amboð. Felagið umboðar eisini Castrol í Føroyum.
Saman við hesum er eis-ini Klaksvíkar kommuna, sum kann bjóða fram eitt gott havnalag, ídnað og nógv annað.
Spennandi framsýning
Menningarstjórin hjá Klaksvík kommunu heldur, at júst tað, at teir seks fram-sýnararnir eru so ymskir, ger básin áhugaverdan.
- Tað er styrkin hjá okk-um, at vit hava seks fjølbroytt feløg í sama øki saman á básinum. Klaksvík er jú ein livandi býur við nógvari framleiðsluvinnu, og býurin er sera fjølbroyttur, sigur Rani Nolsøe.
- Vit hildu tað vera eitt gott hugskot, at kommunan saman við nøkrum feløgum gjørdi ein felags bás, og áhugi var beinanvegin fyri hesum í býnum. Vit hava fyrireikað okkum væl til Fish Fair, og vit gera okkum eisini ómak við fram-sýningini, sigur hann.
Rani Nolsøe heldur, at Fish Fair er ein góður møguleiki hjá føroyingum at vísa sínar vørur fram mótvegis útlendskum keyp-arum, og tí er tað eisini upplagt, at Klaksvíkin við sínari fjølbroyttu framleiðsluvinnu er við á stevnuni.
