- Klaksvíkin skal hava eitt hotell.
Tað var greiði boðskapurin frá Jógvani Skorheim, borgarstjóra í Klaksvíkar kommunu, tá hann helt røðu til Uppliva Klaksvík tiltakið, ið Klaksvíkar kommuna skipar fyri í Føroyingahúsinum í kvøld.
Tað var tá borgarstjórin nevndi ymiskar verkætlanir, ið kommunan hevur stungið út í kortið næstu árini, at borgarstjórin upplýsti, at kommunan er farin í holt við at fáa eitt nýtt hotell til býin.
- Grunstykkið er sett av til eitt hotell, tí Klaksvíkin skal hava eitt hotell. Vit eru í dialog við ymiskar fyritøkur um at byggja eitt hotell í býnum, og meta tað er neyðugt, um vit ynskja at náa okkara málum.
