Klaksvíkar Talvfelag staðfesti enn einaferð, at teir eru stinnasta talvfelagið í steypakappingini.
Klaksvíkingar gjørdu bart, tá teir vunnu steypið á triðja sinni uppí slag og harvið til ognar.
Sigurin kom til høldar í sambandi við Talvgalla-veitsluna við Gjógv leygardagin.
Fimm feløg settu stevnu, at telva um snotuliga steypið. Tá avtornaði vann Klaksvíkar Talvfelag við 42,5 stigum (av 48 møguligum), meðan Sandavágs Talvfelag gjørdist nr. 2 við 37 stigum og Vestmanna nr. 3 við 36 stigum.
Harvið hava Klaksvíkingar vunnið Steypakappingina 2007, 2009, 2010 og 2011. Havnin vann í 2008.
Á Gallaveistluni varð 13 ára gamli Silas Eyðsteinsson, úr Sandavági, kosin Ársins Stjørnuskot 2011, meðan IM Helgi Dam Ziska varð kosin Ársins Telvari 2011.
