Franska tjóðartingið hevur í dag samtykt eina lógarbroyting, sum forbjóðar mótahúsum og agenturum at brúka modellir, sum eru ov klænar.
Sambært uppskotið verður nú kravt, at ein modell í minsta lagi skal hava eitt BMI upp á 18, og tí fer ikki longur at bera til at brúka eina 1,75 metur høga kvinnu, sum bara vigar 55 kilo.
Tann, sum brýtur forboðið, kann fáa upp í seks mánaða fongsulsrevsing og kann dømast at rinda heilt upp í 560.000 krónur í bót.
Frakland er bara eitt av fleiri londum - teirra millum Spania, Italia og Ísrael - ið seta líknandi forboð í gildi, so mótaheimurin ikki ótarnaður skal eggja ungfólkum til at svølta seg til frama fyri eina yrkisleið í mótavinnuni.
