Tað hevur verið friðaligt síðani seint seinnapartin í dag. Vakthavandi á løgreglustøðini í Havn sigur við in.fo í kvøld, at ein fráboðan kom klokkan 18:00 úr Sørvági.
Talan var um klædning á einum húsum, sum var við at verða rivin leysur. Tá tann fráboðanin kom inn, var vindurin nógv minkaður, so vakthavandi heldur, at nógvi vindurin fyrr í dag hevur gjørt skaða á klædningin.
– Hóast tað er nógvur vindur enn, so er ikki talan um vind, sum ger sama skaða, sum hann gjørdi fyrrapartin, sigur vakthavandi á løgreglustøðini í Havn.
Annars hevur ongin onnur fráboðan verið á løgreglustøðini, sigur vakthavandi løgreglumaður.
