Føroyingauppgerð var í bestu norsku hondbóltsdeildini í kvøld.
Kjartan Johansen og liðfelagarnir í Bækkelaget tóku móti Nicholas Satchwell og hansara liðfeløgum í Viking TIF í Ekeberg-høllini í Nordstrand-økinum í Oslo.
Bækkelaget vann greiðan 37-29 sigur. Bækkelaget spældi sera væl í fyrra hálvleiki, og í steðginum var Bækkelaget á odda 22-10, og tá var dysturin mest sum avgjørdur.
Tað gekk væl í hond hjá Kjartani í kvøld, ið skoraði seks mál og legði upp til átta mál hjá Bækkelaget.
Í málinum hjá Viking TIF bjargaði Nicholas átta av 32 málroyndum. Kappingarneytin, Christian Morillo Lyngbø bjargaði tveimum av 15 málroyndum.
Bækkelaget er fjórðaftast í deildini við 11 stigum, meðan Viking TIF er aftast í deildini við fimm stigum.
Komandi sunnudag tekur Bækkelaget móti oddaliðnum, Kolstad á heimavølli.
