Kjartan Johansen og liðfelagarnir í Fyllingen Bergen vunnu ein sera týðandi útisigur ímóti Haslum í dysti í besti norsku hondbóltsdeildini.
Fyllingen Bergen vann 33-25 á Haslum. Í steðginum var Fyllingen á odda 16-15.
Kjartan Johansen skoraði trý mál í dystinum í kvøld. Tvey av málinum vóru uppá brotskøst.
Sigurin var sera týðandi fyri Kjartan og liðfelagarnar. Tað snýr seg um at enda millum átta tey ovastu liðini hjá Fyllingen, so teir sleppa við til endaspælið. Í løtuni er Fyllingen nummar seks í bestu norsku hondbóltsdeildini.
Sunnudagin 25. februar tekur Fyllingen ímóti Halden, sum liggur á triðja plássi.
Støðan í bestu norsku hondbóltsdeildini:
| 1 | Elverum | 15 | 27 |
| 2 | ØIF Arendal Elite | 16 | 25 |
| 3 | Drammen | 17 | 22 |
| 4 | Halden Topphåndball | 16 | 22 |
| 5 | Haslum HK | 17 | 20 |
| 6 | FyllingenBergen | 17 | 16 |
| 7 | Bækkelaget Håndball Elite | 15 | 14 |
| 8 | Kolstad | 15 | 13 |
| 9 | Falk Horten | 16 | 12 |
| 10 | Bodø HK | 16 | 11 |
| 11 | Sandnes | 16 | 8 |
| 12 | Nøtterøy Håndball | 16 | 2 |
