Gerningsmaðurin hevur grulvað undir hjallin og er sloppin inn við at brota nakrar av gólvfjalunum. Sporini eftir innbrotstjóvin vísa, at hann hevur fingið sær ein bita inni í hjallinum.
Tjóvurin hevur fingið væl burturúr hesum innbrotinum, tí hann tók heili seks turr tjógv við sær. Løgreglan veit ikki, hvør gerningsmaðurin er, men kannar málið nærri.
Fýra tiknir
Løgreglan í Klaksvík tók fýra bilførarar, sum koyrdu ávirkaðir. Teir eru allir skuldsettir fyri rúsdrekkakoyring og kunnu væntað sær at missa koyrikortið treytaleyst.
Harumframt svóvu tríggir mans rúsin av sær á støðini, eftir at løgreglufólk høvdu tikið teir upp av gøtuni.
Tveir mans vórðu handtiknir á hesi Norðoyarstevnuni. Onkur boðaði frá, at ein maður hevði sparkað ein bil í fyllskapi. Løgreglan tók mannin við á støðina, har hann varð avhoyrdur og skuldsettur fyri brot á politiviðtøkurnar. Hann svav rúsin av sær í klivanum.
Ein annar ungur maður varð handtikin, tá hann gjørdi seg inn á eina flaggstong í miðbýnum.
Av løgreglustøðini í Klaksvík verður annars sagt, at henda stevnan var stak friðarlig í mun til onnur ár. Ringa veðrið leygarkvøldið hevði eisini við sær, at tey flestu hildu seg mest innandura.
