Hotel Føroyar, Thor ella Articon eigur ársins leiðara innan privatu vinnuna, meðan Hagstovan, psykiatriski depilin ella Almannastovan eiga leiðaran innan tað almenna. Synergi almannakunnger í dag tey tey fólkini, sum skotin upp til heitið sum »ársins leiðari«.
Fríggjadagin verður Ársins leiðaradagur á Hotel Føroyum. Hetta er
Sættu ferð, at Ársins leiðari verður kosin og annað árið, at tveir leiðarar verða
valdir, ein innan privatu vinnuna og ein innan tað almenna.
Almenningurin hevur havt møguleika at senda inn tilnevningar, og hevur
áhugin verið sera stórur. Heili 48 ymiskir leiðarar eru tilnevndir. Hvør
verður Ársins leiðari 2010 verður avdúka á Leiðaradegnum fríggjadagin 29.
januar kl. 16.10.
Dómsnevndin, sum tekur endaliga avgerð um, hvør verður Ársins leiðari 2010,
hevur nú funnið fram til tríggjar top-kandidatar innan bæði tað privata og tað
almenna.
Top 3 kandidatar innan privatu vinnuna eru - í tilvildarligari raðfylgju:
Johannes Jensen, stjóri Hotel Føroyar
Hans Andreas Joensen, stjóri Thor
Jón Danielsen, stjóri Articon
Top 3 kandidatar innan tað almenna eru í tilvildarligari raðfylgju:
Herman Oskarson, stjóri Hagstova Føroya
Tórmóður Stórá, læknafakligur depilsleiðari, psykiatriski depilin
Petra Johnsdóttir Joensen, stjóri Almannastovan
Í dómsnevndini sita Malan Johansen, ráðgevi Virðisbrævamarknaður Føroya,
Aibritt á Plógv, stjóri Margarita og Páll Isholm, stjóri Føroya Handilsskúli
á Kambsdali.
