Í gjár vóru fyrru 1/8 finalurnar í Europa League. Stóri dysturin var á Old Trafford, har Manchester United og AC Milan spældu javnleik 1-1.
Heimaliðið kom á odda fimm minuttir inn í seinna hálvleik, tá nýinnkeypti Amad Diallo hegnisliga skoraði við høvdinum, eftir avlevering frá Bruno Fernandes. AC Milan javnaði í yvirtíðini, tá Simon Kjær stútaði eitt hornaspark í mál.
Dysturin var ikki uttan dramatikk, tí AC Milan fekk mál longu aftaná 12 minuttir, men tað bleiv kolldømt eftir eina gjøgnumgongd í VAR-rúminum, tí tað var mett at bólturin kom í hondina á einum spælara.
Tottenham og Arsenal vunnu hvør sín tvey-málssigur. Tottenham vann 2-0 á Dinamo Zagreb. Harry Kane skoraði bæði málini. Í Grikklandi vann Arsenal 3-1 á Olympiacos. Ajax vann 3-0 á Young Boys, og AS Roma vann við somu siffrum á Shakhtar Donetsk.
Europa League 1/8:
Manchester United (ENG) - AC Milan (ITA) 1-1
Ajax (NED) - Young Boys (SUI) 3-0
Dynamo Kyiv (UKR) - Villarreal (ESP) 0-2
Slavia Praha (CZE) - Rangers (SCO) 1-1
Roma (ITA) - Shakhtar Donetsk (UKR) 3-0
Olympiacos (GRE) - Arsenal (ENG) 1-3
Tottenham (ENG) - Dinamo Zagreb (CRO) 2-0
Granada (ESP) - Molde (NOR) 2-0
