Um ikki so langa tíð, verður arbeiði at vaksa um kirkjugarðin á Skála boðið út, og eftir ætlan skal tað vera liðugt, tá summarið er av.
Hetta sigur Símun Pauli Berg, bygdarráðsformaður á Skála.
Fleiri hava havt á orði, at kirkjugarðurin fór at fyllast heilt skjótt var ikki okkurt munagott gjørt, og tað hevur bygdaráðið eisini staðfest.
? Vit hava havt ætlanir um at fara undir arbeiði í eina tíð, men hava av fíggjarligum ávum valt at bíða. Nú eru vit so farin undir arbeiði og tað skal eftir ætlan vera liðugt í summar, sigur bygdaráðsformaðurin, sum enn ikki veit, hvussu nógv tað fer at kosta.
Útbyggingin av kirkjugarðinum á Skála verður gjørd á tann hátt, at verandi garður verður longdur í beinari linju úteftir. Økið er keypt, men í fyrsta umfari verður ikki alt brúkt.
? Vit longja hann fimtan metrar í fyrsta umfari, og tað skuldi verið nóg mikið í eina rúma tíð.
Vanliga verður sagt, at ein kirkjugarður skal liggja í eitt ár ella tvey fyri at moldin fær tíð at seta seg, men um tað fer at bera til á Skála er ikki vist.
? Tað eru bert fá pláss eftir í verandi garði, m. a. av tí, at fleiri pláss eru bíløgd. Men vit vóna at tað fer at bera til at bíða eitt ár kortini, sigur Símun Pauli Berg
