Kinn arbeiddi næstan 35 ár á Dómaraskrivstovuni. Hon byrjaði í 1963 sum
avloysari, og fyrst í 70-unum varð hon sett í fast starv. Dómarin er fastur
formaður í ymiskum ráðum sum t.d. Vanlukkutryggingarráðnum, og tey fyrstu
árini var arbeiði hjá Kinn fyri tað mesta í hesum sambandi.
Hon hevur arbeitt undir fleiri ymiskum dómarum. Tann fyrsti var E.A. Bjørk,
Oppermann, Joen H. Andreasen, Jørgen B.Petersen, Majken Johansen og Jens
Schultz- Hansen. Í dag eru tveir dómarar: Henrik Møller og Niels
Toft-Vandborg.
Seinnu árini var Kinn leiðari á Dómaraskrivstovuni, har eini 25 fólk eru í
starvi.
Kinn er gift Bjarna Magnussen, maskinmeistara, úr Kvívík. Tey eiga børnini:
Suni, Tummas, Bjarni og Marjun, sum øll búgva í høvuðsstaðnum. Barnabørnini
eru 11 í tali.
Hóast Kinn er givin við sínum vanliga arbeiði, sigur hon, at hon hevur
fleiri frítíðarítriv og nokk at takast við.
mg
