Løgreglan í Spania tók í morgun 60 kinesarar, sum eru limir í nøkrum kinesiskum brotsmannaliðum. Nakrir menn av øðrum tjóðskaparuppruna vórðu tiknir í sama viðfangi, sigur løgreglan.
Menninir eru undir illgruna fyri at hava vaskað ólógligar pengar hvítar og annað ólógligt virksemi. Millum teir tiknu eru nakrir menn, sum hava tilknýti til fyritøkuna Cobo Calleja, sum rekur heilsøluvirksemi í Evropa við bíligum kinesiskum vørum.
Umleið 300 løgreglumenn vóru við í átakinum í Madrid, Barcelona í øðrum býum kring landið í morgun.
