Harðir samanbrestir vóru í morgun í kinesiska býnum Qidong, har fólk í tíggjutúsundatali mótmæltu einum dálkandi útláti frá einari pappírsverksmiðju í býnum. Løgreglan royndi at steðga mótmælisfólkinum, og tað endaði við hørðum samanbresti.
Tíðindastovan AFP skrivar, at mótmælisfólk koppaðu bilum og brutu inn í almennar skrivstovur.
Tað er rættiliga vanligt, at fólk í Kina mótmæla umhvørvistrupulleikum. Tey seinnu árini er tann kinesiski ídnaðurin vaksin sera nógv, og í fleiri førum hevur ta havt økta dálking við sær.
Qidong er nærhendis stórbýnum Shanghai.
