Kinesisku fyritøkurnar Pang Da Automobile og Zhejiang Youngman Lotus Automobile hava keypt svensku Saab bilverksmiðjuna fyri 745 milliónir krónur, eftir at verksmiðjan í Trollhättan hevur ligið still síðan mai 2011.
Málið hjá nýggju eigarunum er at selja millum 35.000 og 55.000 bilar í 2012 og millum 75.000 og 85.000 bilar í 2013. Upp á longri sikt er ætlanin at selja millum 185.000 og 205.000 bilar um árið, har umleið 65 prosent skulu seljast á marknaðum sum Russlandi og Kina. Ætlanin er, at Saab skal geva yvirskot í 2014.
