Kina er klárt besta landið í heiminum, tá tað um borðtennis umræður. Finalan millum Kina og Suðurkorea er júst liðug, og Kina vann hana trygt 3-0. Bara í einum av dystunum mátti Kina lata ein einmansleik frá sær, og tað var í bólkaspælinum móti Rumenina, tá Andrei Filimon (nr. 74 í heiminum) vann á heimstríaranum, Wang Liqin.
Restin av dystunum eru vunnir 3-0, og tað sama endaði finalan eisini.
Danmark stóð seg søguliga væl við einum vællekandi Michael Maze á odda. Teir megnaðu eitt 11. pláss, og tað er besta úrslitið í einai HM-kapping hjá Danmark síðani 1967.
Hetta er 15. ferðin síðani 1961, at Kina vinnur heimsmeistaraskapið.
