Kinesiska stjórnin styðjar royndirnar hjá ES at basa teimum stóru fíggjartrupulleikunum hjá summum evrulondum, og Kina er eisini sinnað til at læna bjargingargrunninum hjá evruøkinum meiri pengar.
Tað kom fram á fundi, sum týski kanslarin, Angela Merkel, hevði við kinesiska forsætisráðharran, Wen Jiabao, í Beijing í dag.
Kina hevur sett nógvar pengar í virðisbrøv hjá teimum evrulondunum, sum hava serliga stórar trupuleikar, men tað hevur landið gjørt fyri at verja egin áhugamál, tí ein stórur partur av landsins gjaldoyragoymslu er í evrum.
