Kim Larsen hevur ikki truplar samráðingar, tá hann skal samráðast um løn, tí hann situr sjálvur við borðendan, tá avgerðir skulu takast.
Soleiðis fekk hann í fjør eina millión krónur í lønarhækkan. Tað vísa tølini í roknskapinum hjá Kim Larsen ApS, sambært Ekstrablaðnum.
Felagið hevði yvirskot uppá 2,9 milliónir, hóast umsett varð fyri 600.000 krónur minni, enn árið fyri.
Eginkapitalurin er uppá 45,4 milliónir krónur.
Kim Larsen, eisini nevndur tjóðskald dana, gav sær í løn 7,3 milliónir, ella 608.000 krónur um mánaðin, móti 6,3 milliónir í árinum fyri.
