Norðurkoreanski einaræðisharrin, Kim Jong-un, leggur nú ætlanir um at vitja russiska forsetan, Vladimir Putin.
Sambært New York Times verður vitjanin seinni í hesum mánaðinum.
Amerikanskar keldur vita at siga, at forsetarnir fara at umrøða spurningin um møguliga vápnahjálp úr Norðurkorea.
Vladimir Putin tørvar eftir øllum at døma vápnahjálp, sum hann kanska kann fáa úr Norðurkorea til krígsførsluna í Ukraina.
Keldur siga, at ríkisleiðararnir skulu hittast í Vladivostok, sum liggur har eysturi í Russlandi, nærindis markinum til Norðurkorea.
