Kim Durhuus boðar í morgun frá, at hann eftir drúgva umhugsunartíð
hevur gjørt av ikki at stilla upp til komandi kommunuval. Kim Durhuus hevur verið borgarstjóri í Sunda kommunu síðan 2009. Frammanundan sat hann sum vanligur limur í Sunda kommunu frá 2005 til 2008.
Kim Durhuus sigur við Portalin, at hann heldur seg hava tænt sína »vernaplikt« í kommunalpolitikki. Fráfarandi borgarstjórin sat eisini í gomlu Hósvíkar kommnu, sum meinigur limur frá 1989 til 1992 – og sum bygdarráðsformaður frá 1. januar 1993 til august 1994, tá hann fór uttanlands í lestrarørindum.
Sum skilst, so stillar Gurið Samuelsen, varaborgarstjóri, heldur ikki upp til kommunuvalið hesaferð.
