KÍ leikarin, Jóhan Jacobsen, er ein av leikarunum í Effo-deildini, ið av álvara hevur fingið sítt gjøgnumbrot í ár. Av teimum higartil 26 leiktu dystunum í Effo-deildini hevur ungi KÍ leikarin spælt 22 dystir á høgra bakki hjá KÍ.
Men sambært keldum hjá Miðlahúsinum, er tó nógv, ið bendir á, at KÍ leikarin fer at skifta til NSÍ komandi kappingarár.
Jóhan Jacobsen er giftur í Saltangará, og er millum annað svágur til NSÍ leikaran, Árna Fredriksberg.
Trygvi Mortensen, venjari hjá NSÍ, vil ikki gera nakra viðmerking til søguna.
- Eg havi onga viðmerking higartil. Eg havi kanska eina viðmerking í komandi viku.
22 ára gamli Jóhan Jacobsen hevur annars altíð spælt við barndómsfelagnum KÍ.
