Hóast sølan av persónbilum er minkað nakað seinastu mánaðirnar, so hava vit framvegis keypt 148 fleiri nýggjar persónbilar í ár í mun til í fjør, ein vøkstur upp á 8,12%, vísa hagtøl frá Akstovuni.
Eisini er sølan av neyðsendarakførum voksin nógv. Átta fleiri neyðsendarakfør eru seld í ár í mun til í fjør, sum er ein vøkstur á 62%.
Seks fleiri hýruvognar eru eisini seldir, sum er ein vøkstur upp á 27%.
Harafturímóti eru 12 færri nýggir lastbilar seldir enn í fjør. Í ár eru 17 nýggir lastbilar komnir til landið, í mun til 29 í fjør. Tað er ein afturgongd upp á 41 prosent. Líkt er til, at tað í løtuni er vanligari at keypa brúkar lastbilar, tí innflutningurin av brúktum lastbilum er voksin úr 28 til 45, ein vøkstur upp á 61%, vísa hagtøl frá Akstovuni.
Eisini sølan av kampingvognum og lendisakførum er minkað, við ávikavist 29% og 41%.
