Tórshavnar kommuna hevur keypt eitt fundarborð fyri 365.000 krónur, sigur Kringvarpið frá í dag.
Í tíðindunum á miðdegi boðaði KVF frá, at Tórshavnar kommuna hevur keypt eitt fundarborð, sniðgivið av heimskenda dananum Wegner. Talan er um eitt sergjørt borð úr eik við átta plátum.
Sambært Kringvarpi Føroya er tað tekniski stjórin í kommununi, Mikael Viderø, sum hevur keypt borðið frá fyritøkuni Stokholm. Borðið stendur í móttøkuhúsinum í Tróndargøtu.
KVF sigur, at miðilin hevur roynt at fingið viðmerkingar frá Mikael Viderø, sum keypt borðið, Bjørgfríð Ludvig, kommunustjóra, og Heðini Mortensen, borgarstjóra, tó uttan, at tað hevur eydnast.
