Fríggjakvøldið spældu landsliðsliðskiparin, Pernille Brandenborg og liðfelagarnir í Keypmannahavn dyst á heimavølli í bestu donsku hondbóltsdeildini.
Á vitjan var botnliðið, Bjerringbro, og var Keypmannahavn stórur favorittur til at vinna dystin. Tá hálvurtriði minuttur var eftir av dystinum var Keypmannahavn á odda 26-25. Men hesa seinastu løtuna skoraði Bjerringbro trý mál uttan, at Pernille og liðfelagarnir megnaðu at svara aftur. Sostatt vann Bjerrringbro dystin 28-26. Í steðginum var Keypmannahavn á odda 12-10.
Pernille skoraði trý mál og vann liðnum tvey brotskøst.
EH Aalborg uttan Lív S. Poulsen og Anniku F. Petersen á liðnum tapti á útivølli 28-33 (14-18) fyri Silkeborg-Voel.
Seinnapartin klokkan 13 í dag spæla Jana Mittún og liðfelagarnir í Viborg dyst á útivølli móti Aarhus.
Støðan:
| Nr. | Lið: | Dystir | Stig |
|---|---|---|---|
| 1 | Odense | 19 | 38 |
| 2 | Ikast-Herning | 19 | 34 |
| 3 | Team Esbjerg | 19 | 32 |
| 4 | Nykøbing-Falster | 19 | 27 |
| 5 | Viborg | 18 | 24 |
| 6 | Keypmannahavn | 19 | 22 |
| 7 | Sønderjyske | 19 | 19 |
| 8 | Horsens | 19 | 12 |
| 9 | Silkeborg-Voel | 19 | 12 |
| 10 | Aarhus Håndbold | 18 | 10 |
| 11 | Bjerringbro | 19 | 10 |
| 12 | Ringkøbing | 19 | 9 |
| 13 | Skanderborg | 19 | 9 |
| 14 | EH Aalborg | 19 | 6 |
