Um tú leitar eftir einum góðum brúktum bili, har eigarin hevur hildið bilin væl, so er hetta kanska rætti bilurin til tín.
Frans pávi hevur nevniliga sett bilin, sum hann brúkti á USA-vitjan í 2015, til sølu. Tá fekk hann ein Fiat 500L at ráða yvir og brúkti bilin í seks dagar.
Tá ið pávin fór heimaftur til Vatikanið, gav hann bilin til vælgerandi endamál. Bilurin skal nú seljast á uppboðssølu á bilastevnu í Philadelphia, og pengarnir fyri bilin fara til barnasjúkrahús í býnum.
Bilurin verður seldur 29. januar.
