Á jólatúrinum hjá Norrønu síðst í november í ár fer eisini ein kendur danskari at mynstra við.
Tað er kendi danski journalisturin, Anders Lund Madsen, sum verður við á ferðini úr Hirtshals til Havnar.
Anders Lund Madsen er mest kendur sum sermerktur sjónvarpsvertur í stuttligum, men kortini djúphugsnu sendingum í danska kringvarpinum.
Men nú fer hann so at royna seg sum bingovert umborð á Norrönu.
Smyril Line sigur, at hann hevur lovað ferðafólkunum eitt øðrvísi bingospæl, enn tey eru von við.
Umframt bingo verður eisini nógvur dansur á ferðini, og dansitónleikinum stendur bólkurin, Rox, fyri.
