Heimskenda russiska operasongkonan Galina Vishnevskayia doyði í dag, 86 ára gomul.
Galina gjørdist kend fyri sína tulking av klassiskum og yngri verkum, og í 1966 varð hon kosin ársins tónlistarfólk í Sovjetsamveldinum. Í 1984 kom ævisøga hennara út í bók.
Galina Vishnevskayia var gift Mstislav Rostropovich (myndin), sum var kendur sum sannur snillingur á cello. Russiskir fjølmiðlar siga, at hon hevði trupulleikar við hjartanum tey seinastu árini.
