Tað skrivar fríkirkjan Keldan á heimasíðuni. Tey skriva, at ætlanin er at fylla bilin við bjargingarútgerð, brandsløkkjarum, fyrstuhjálparkassum og øðrum, sum kann verða til hjálp.
– Tit, sum vilja geva okkurt av hesum ella fáa fatur á onkrum, eru vælkomin at lata tað inn til Kelduna, so verður fylt inn í bilin, sum fer avstað skírisdag, skrivar fríkirkjan.
Tað er Heini Gjerløv, ið hevur ábyrgd av bilinum og fer at koyra hann til Ukraina.
