Kekenski uppreistrarleiðarin Doku Umarov hevur nú átikið sær ábyrgdina av teimum báðum sjálvmorðsbumbunum í Moskva mánamorgunin. Á einum sjónbandi segði Umarov, at hann gav sjálvur boð um atsóknina at undirgrundarbreytini í Moskva, og at málið var at senda russisku trygdartænastuni FSB eina heilsan.
Hann legði afturat, at álopini fara at halda fram.
Tær báðar bumburnar fyrramorgunin kravdu 39 mannalív.
