Tað endaði sum tað byrjaði á Villa Park í fyrsta Premier League dystinum í øðrum umfari.
Tað var Aston Villa, sum tók imóti Newcastle í dystinum klokkan 12.45. Men tað tóktist rættiliga skjótt, at dysturin fór at verða mál fátækur.
Newcastle vildi sleppa á talvuna, og tað eydnaðist, meðan Aston Villa ikki megnaði at bróta verjuna hjá útiliðnum niður.
Tað endaði tí sum tað byrjaði, 0-0, í einum keðiligum dysti, har málmøguleikarnir lættliga kundu teljast á einari hond - og minni enn tað.
