Tað hevur verið illveður á amerikonsku Hawaii-oyggjunum í Kyrrahavinum seinastu dagarnar, og nógvir íbúgvar hava upplivað streymslit, trø eru fallin, og fyri vikuskiftið druknaði eisini ein maður í stóru aldunum.
Tað veit Hawaii News Now at siga. Sambært Washington Post, er talan um heilt serstakar og óvanligar umstøður á kyrrahavsoynni, og lokalir veðurfrøðingar í økinum eru eisini samdir í hesum útsagnum.
Lagt verður aftrat, at kavi er lagstur á einum gosfjalli á oynni, Maui, sum liggur í 1900 metra hædd, og hildið verður, at hetta er fyrstu ferð, at kavi er lagstur á so lágum lendi á Hawaii.
