Ferðamannaskipið Titanic, sum fórst við Ný Foundland hin 15. apríl í 1912, liggur á 3.800 metra dýpi.
Í dag veit BBC at siga, at ein ferðavinnukavbátur, sum kavar niður á vrakið við ferðafólki, er saknaður í økinum.
Vaktartænastan í Boston sigur við BBC, at eitt bjargingarátak er sett í verk í dag.
Tað er ikki greitt, hvussu nógv ferðafólk vóru við kavbátinum, tá hann hvarv.
Kavbáturin hevur verið brúktur til at flyta ferðafólk niður á vrakið, soleiðis at fólk kunnu síggja Titanic við egnum eygum.
Stivliga 1500 fólk lótu lív, og 706 vórðu bjargað, tá Titanic rendi á eitt ísfjall og sakk fyri meira enn 110 árum síðan.
##med2##
