Mikukvøldið var People´s Choice Awards, sum er eitt stórt tiltak, har tey kendu innan sjónvarp, filmar og tónleik verða heirað.
Songkvinnan Katy Perry vann ikki færri enn fimm heiðurslønir, men hon var tó ikki til staðar til at taka ímóti heiðurslønunum. Tvær av teimum í alt fimm heiðurslønunum fekk hon fyri eina upptraðkan í raðsendingini "How I Met Your Mother" og fyri ein sang til filmin "E.T." Katy Perry var ikki áhugað í at koma til príshandanina orsaka av hjúnarskilnaðinum við Russel Brand.
- Eg fái tíverri ikki verið við til People´s Choice Awards. Eg vil fegin takka øllum, ið hava atkvøtt fyri mær, og eg krossi fingrar, skrivaði songfuglurin á sínum Twitter-profili áðrenn príshandanina. Katy Perry var annars tilnevnd til heilar sjey heiðurslønir.
Stóra tiltakið hevði kunna verið hennara fyrsta almenna upptraðkan, síðani tað bleiv alment, at hon og maðurin skulu skiljast eftir at hava verið í gift í 14 mánaðir. Men sjálvt sjey møguligar heiðurslønir kundu ikki lokka Katy Perry út frá heiminum.
"I Kissed a Girl"- gentan endaði tó við at vinna fimm heiðurslønir fyri Besta gestastjørna í sjónvarpi í "How I Met Your Mother, Besti kvinnuligi tónleikari, Ársins sangur "E.T", sum hon sang saman við Kanye West, og Besta sjónbandalag fyri "Last Friday Night." Harafturat gjørdist hon eisini vinnari av Ársins besta turné navn.
People´s Choice Awards er ein amerikonsk príshandan, har fólk innan sjónvarps-, films- og tónleikaheimin verða heirað. Tiltakið hevur síðani 1975 givið heiðurslønir til tær stjørnurnar, sum fólkið hevur atkvøtt fyri.
