Tað er eingin minni enn Karl Martin Samuelsen, sum saman við Mikkjal Hvannastein, vitjar Skarv leygarkvøldið. Báðir eru teir kendir innan føroyska tónleikaheimin Karl Martin er ein av royndastu popp- og rocksangarunum í Føroyum, og er serliga kendur sum sangari í bólkinum Hjarnar og sum sangari/kór á ótaldum útgávum. Hann verður tískil av nógvum hildin at vera millum bestu sangarar í Føroyum.
Mikkjal hoyrir til annað ættarlið, og hann er kendur frá I AM. Umframt hetta hevur guitasnillingurin eisini verið við á nógvum útgávum sum tónleikari, og ikki eru tað nógvir, ið kunnu taka hann í gittarspæli.
Ikki er ringt hjá tí kræsna tónleikaoyranum at ímynda sær, hvørjar tónleikaligar upplivingar hesir báðir kunnu geva áhoyrarnum á Skarv leygarkvøldi, tá teir fara at spæla tónleik hjá Hjarnar, Eagles, Erik Clapton, John Fogerthy, Beatles og Doobie Brothers og øðrum.
