Karin er dóttir til Annu og Johannes Nolsøe, hon er ættað úr Gøtugjógv og hann er ættaður úr Vestmanna.
Tey settu búgv í Klaksvík, og har er Karin so fødd.
Aftaná lokna skúlatíð, og á háskúla í Danmark, fór Karin á lærarskúla í Havn. Hon tók læraraprógv í 1960. Tað fyrsta árið arbeiddi hon í skúlanum við Gøtugjógv, men síðani tá við skúlarnar í Klaksvík. Har arbeiddi hon so fram til 1995, tá ið hon fór frá við eftirløn.
Í 1965 giftist hon við Kára Poulsen, undir Gøtueiði, kendur sum Kári av Skipanesi. Tey fingu 4 børn. Tvíburðar í 1966, dreingir, Árni og Jóannes, í 1967 fingu tey dóttrina Onnu Mariu og í 1973 yngsta sonin Sjúrður, sum doyði í 1991 av ferðsluvanlukku.
Karin hevur alt sítt lív verið ein sera Guðsóttandi kvinna, og hevur hetta merkt hana, hvar ið hon so er. Tey børn ið hon hevur havt í skúlanum, hava altið fingið eitt Guðsorð við á vegnum. Hon er trúføst í kirkju og á møti í Emmaus hvønn sunnudag, saman við manni sínum. Tað liggur henni tungt á hjartað at boða um ?Jesuspápa?
Hon hevur tey nógvu seinastu árini verið trúføst úti í Dagtilhaldinum fyri eldri. At verða saman við eldri fólki er nakað henni dámar sera væl, at fáa lut í teirra lívsvitan. Saman við manni sínum, koma tey nógv í tey ymisku sambýlið og røktarheim, ið eru her í Klaksvík, at njóta eina løtu saman við teimum gomlu. Stundum halda tey andakt saman við teimum.
Tvey ommubørn hava Karin og Kári, Karin, ið er 8 ár og Pravin, ið er 2 ár. Tey hava nógv at týða fyri hana, og eisini har leggur hon stóran dent, at siga teimum um Jesuspápan.
Sjálvan føðingardagin 2 juli, eru Karin og Kári burturstødd.
