Ársins fyrsta FM-kapping í ríðing verður leygardagin við Leynavatn. Hetta skrivar Føroya Ríðingarfelag á heimasíðu sínari.
Luttøkutalið er til kappingina er 40 ross, sum verður sagt at vera nógv størsta luttakaratalið síðani aldarskiftið.
Veðurforsøgnin sigst at vera góð í vikuskiftinum, og tí heitir Ríðingarfelagið øll rossaáhugað at koma ein túr á Leynavatn leygardagin.
Kappingin byrjar leygardagin klokkan 15 við Leynavatn.
