Tað er gott kappróðrarlag á Tvøroyri í kvøld. Í dag hevur nýggja 6-mannafarið hjá tvørámonnum, Tvørábáturin, vunnið sín fyrsta róður. Tað gjørdi hann á Sundalagsstevnu í Hvalvík.
Tvørábáturin var fremstur alla tíðina. Í endaspurtinum minkaði munurin aftur til Sundabátin, sum vann á Norðoyastevnu, støðugt, men Tvørábáturin helt akkurát tørn.
Talan var um sera tætta uppgerð, har Strálan eisini var við í kappingini.
Tað tók langa tíð at fáa 6-mannaførini startað. Orsøkin var tann, at fasti starturin slitnaði, tá ið teir vóru um at vera klárir á 1500 metra málinum.
Tískil vóru teir noyddir at byrja av nýggjum.
Nú verður arbeitt við at leggja 8-mannaførini, og so skal starturin flytast út á 2000 metrar, áðrenn 10-mannaførini kunnu rógva.
Tað er væl fittari lot nú, enn tað var í Sundalagnum fyrr í dag.
Sundalagsstevna 2007 - 6 mannafør menn
1 Tvørabáturin 07:11.16
2 Sundabáturin 07:11.18
3 Strálan 07:13.03
4 Jarnbardur 07:20.03
5 Sølmundur 07:24.17
6 Lómur 07:25.05
7 Rádni 07:30.16
8 Riddarin 07:31.13
Støðan í FM - 6 mannafør menn
1 Sundabáturin 12 1G
2 Tvørabáturin 11
3 Strálan 9
4 Jarnbardur 6
5 Lómur 2
6 Riddarin 2
7 Sølmundur 2
8 Smyril 0
9 Rádni 0
Fyribils startrøðin á komandi stevnu
1 Riddarin
2 Lómur
3 Jarnbardur
4 Sundabáturin
5 Tvørabáturin
6 Strálan
7 Sølmundur
8 Rádni
G.G.: Tíðirnar eru í 1/25-pørtum.
