Fyrra steypakappingin í estetiskum fimleiki verður í dag í ítróttarhøllini á Kambsdali.
Kappingin var annars ásett at vera í gjár, men fríggjadagin gjørdu fyrireikararnir av at útseta kappingina til í dag vegna veður.
Tað verða 23 lið, sum fara at kappast – og hava meldað til luttøku. Bólkarnir verða pinkur, smágentur, gentur, kvinnuunglingar og kvinnur.
Feløgini, sum hava meldað til, eru:
Flog 1 lið
Støkk 7 lið
Ljósið 6 lið
Havnar Fimleikafelag 9 lið.
Kappingin byrjar klokkan 12 við pinkum og smágentum. Eftir heiðursmerkjahandan áleið klokkan 14.30 heldur kappingin fram við gentum, kvinnuunglingum og kvinnum.
