Skúlabyrjan: Nú summarfrítíðin lækkar móti endanum, verður nýggj skúlaútgerð bunkrað. Tey stóru skulu kanska bara fylla pennahúsan, meðan tey smæstu skulu hava nýggja skúlatasku. Danski stovnurin Forbrugerlab hevur kannað góðsku, fyrimunir og vansar við skúlataskum til tey smæstu. Ikki er vist, at júst hesar taskurnar eru á føroyska marknaðinum, men kortini kann kanningin geva íblástur til, hvat havast skal í huganum, tá tit keypa nýggja tasku.
Sambært Forbrugerlab er onki samband millum prís og góðsku. Samanumtikið eru allar taskurnar dygdargóðar, men Jeva-taskan fekk flest stig.
Vit hava ikki tikið allar faktorarnar við her, men til ber at síggja kanningina á www. forbrugerlab.dk.
--
Soleiðis velur tú bestu skúlataskuna til barnið
Latið barnið royna taskuna, áðrenn tit keypa hana
Lat barnið royna taskuna í úti- og inniklæðum
Taskan skal sita á rygginum ikki á rumpuni
Taskan skal ikki vera breiðari enn herðarnar á barninum
Bakið á taskuni skal liggja at rygginum á barninum allan vegin upp
Taskan skal vera passaliga djúp, so innihaldið ikki dettur úr
Fráskild rúm skulu vera til matkassa, drekkidunk, pennahús og bøkur
Snarlás og spenni skulu vera løtt at brúka eisini hjá barninum
Endurskin økja um ferðslutrygdina í myrku tíðini
