Tað skrivar Aarhus universitet á heimasíðu síni. Talgildar heilsuskipanir eru vanligar, men tað, sum ger skipanina í Føroyum serstaka, er, at hon umfatar bæði sjúkrahúsini og kommunulæknarnar. Tað merkir at kommunulæknin og sjúkrahúslæknarnir altíð hava somu talgildu sjúklingabók til taks og tað hevur nógvir fyrimunir tí so hava allir partar í skipanini altíð nýggjastu upplýsingarnar um sjúklingin beint við hondina. Tað, sum donsku granskararnir koma til Føroyar at kanna, er, hvussu skipanin í Føroyum riggar, og um tað gevur skjótari og betri viðgerðir.
